මිතුර එක්ව නැගිටිමු

 

සබඳ අපි කඳු නොවෙමු

උනුන් පරයා නැගෙන

සුනිල දිය දහර වෙමු

එකම ගඟකට වැටෙන...

 

වියරු ගිනිදැල් නොවෙමු

වනය අවුලා තබන

මිහිර දෙන වැස්ස වෙමු

දැවෙන කැලයට වසින

 

නපුරු හීනය නොවෙමු

ළමුන් නිදි සුව බිඳින

සොඳුරු අඬහැරය වෙමු

දනන් නින්දෙන් මුදන

 

අභිමංසල තුළින් රස භාවයන් සොයාගෙන අද අපි යන්නේ විශාරද ගුණදාස කපුගේ මහත්මයා විසින් ගායනය කරන ලද දර්ශන මෙන්ඩිස් නැමති ගී පද රචකයා විසින් රචනා කරන ලද විශාරද ගුණදාස කපුගේ මහත්මයා විසින්ම තණු හා සංගීත නිර්මාණය කරන ලද සබද අපි කඳු නොවෙමු ගීතය යි.

 

මේ ගීතය අපි බොහෝ අවස්ථා වල ශ්‍රවණය කරල තියෙනවා. විශාරද ගුණදාස කපුගේ මහත්මයා ගේ ගී වලින් විශේෂයෙන් ම ජනතාව අතරට ගිය ගීතයක් හැටියට මේ ගීතය දක්වන්නට පුළුවන්. ඒ වගේම මේ ගීතය වැඩිපුරම ගියේ තරුණ පිරිස අතරට. විශේෂයෙන් විශ්ව විද්‍යාල වල ඉගෙන ගන්න ශිෂ්‍යයන් අතරේ මේ ගීතය විශේෂයෙන් ජනප්‍රිය විය .විශ්ව විද්‍යාල සිසුන් දැඩි  වශයෙන් කතා කරනු ලබන්නේසමාජ වාදී අදහස් මත ධරයන් ය .ඔවුන්ගේ ක්‍රියා කලාපයන් හෙළි කරන ගීතයක් බවට මෙම ගීතය පෙනුනද මෙම ගීතයේ දී සැබෑ ලෙසටම පෙන්නුම් කරනු ලබන්නේ පරාර්ථකාමීත්වය යි .

 

සබඳ අපි කඳු නොවෙමු

උනුන් පරයා නැගෙන

සුනිල දිය දහර වෙමු

එකම ගඟකට වැටෙන

 

 

සබඳ යනුවෙන් ගීතය ආරම්භ කරමින් පරාර්ථකාමීත්වය ප්‍රතිමූර්තිය පෙන්වමින් සියලු දෙනා එකට එකතු වී උනන්දුවෙන් උත්සාහයෙන් කටයුතු කිරීම වැදගත් බව පෙන්වා දේ .කඳු මින් සෑම දින එකම තැන නොරැඳී දිය දහරක් මෙන් එකට එක්වි සියලු දේ උගත යුතු බව පෙන්වා දේ .

 

 

වියරු ගිනිදැල් නොවෙමු

වනය අවුලා තබන

මිහිර දෙන වැස්ස වෙමු

දැවෙන කැලයට වසින

 

 

ජනතාවගේ සිත් සතන් තුළ නැගෙන  වෛරය ක්‍රෝධය ඊර්ෂ්‍යාව වැනි වියරු ගිණි දැල් නිවාලමින් වියළි කතරකට වහින වැස්සක් මෙන් සියලු දෙනාට ආදරය කරුණාව මෛත්‍රිය වැනි පරහිතකාමී පිරිසක් ලෙස ජීවත් විය යුතු බව මෙම ගීතය තුළින් පෙන්වා දේ.විශ්ව විද්‍යාල සිසුන් අතර ඇති සහෝදරත්වය මෙන් අනෙකුත් සියලු ම දෙනා කටයුතු කළ යුතු බව මෙම ගීතයෙන් පෙන්වා දේ.මෙම අදහස් සමාජවාදී ලෙස නිරූපණය වුවත් එම ගීතය තුළින් කිසිම දේශපාලනික මතවාදයක් ඉදිරිපත් කරනු ලබන්නේ නැත .

 

නපුරු හීනය නොවෙමු

ළමුන් නිදි සුව බිඳින

සොඳුරු අඬහැරය වෙමු

දනන් නින්දෙන් මුදන

 

 

නිර්ධන පාන්තිකයින්ට  නිදා ගැනීමට  විවේක කාලයක් ලබා දෙන්නා වූ ධනපති පාන්තිකයන් සිටින වර්තමාන ලෝකයෙහි පරාර්ථකාමීත්වය සහමුලින් නැති වී තිබෙි.එක ම ලෝකයක් එකම පිරිසක් පන්ති භේද දෙකකට බෙදී වෙන් වී සිටී .ඔවුන් සියල්ල එකම උත්පත්තියක් ලබා පෙර පින් මහිමයකට මේ බවයේ උප්පත්තිය ලැබුවද මේ බවයේ භවයේ වෙන් වෙන්ව කටයුතු කරන අයුරු කවියා මෙමගින් පෙන්වා දේ.එවන් වූ ලෝකයක් තුළ මතු භවය වෙනුවෙන්සියලු දෙනා එක්ව පරාර්ථකාමීත්වයේන්

 යුතුව ජීවත්වීමට අවශ්‍ය මඟ පෙන්වා දෙන්නා වූ අර්ථවත් ගීතයක් ලෙස හඳුනා ගත හැකිය .ඒ බව බාල තරුණ මහලු යන පිරිස් ගීතය වැළඳ ගෙන ඇති අයුරින් මනාව පසක් වී ඇත .මඩගොහොරුවක් වැනි සමාජයේ නෙළුමක් මෙන් පිපී බැබළෙන්නට මෙම ගීතය තුළින් සමස්ත සමාජයටම ආදර්ශයක් ලබාදී ඇති ගීයක් බව හඳුනා ගත හැක .එම නිසා මෙම ගීතය ඉතාමත් සාර්ථක අර්ථවත් ගීතයක් බව  සක්සුදක් සේ කිව හැකිය.ගීතයක් ජනතාව අතරට ගොස් ජනතාව ගීතය වැළඳ ගැනීමෙන් ගීත රචකයාගේ මෙන්ම ගීත ගායකයාගේ ද දක්ෂතාවය ඉතාමත් කදිමට නිරූපණය වී ඇති බව මෙම ගීතය තුළින් මැනවින් හඳුනාගත හැකිය.