වස්සානය

 

                   වස්සානය 

පත්‍ර හැළී ගිය කාර්තුවල හමුවන 

විහඟුන් කිසි දිනක අමතක නොකරමි ...

බහුතරය සංචාරක විහඟුන් ය 

වසන්තයේ හැර යන උන් 

කොළ හැලුන කර්කශ ඉඩෝරයේ

නැවත අතුපතරෙහි වසාලීමට

අවසර යදිමින් පැමිණි පසු 

ඔවුන්ට නැවත අවසර දෙන්නේම්ද...

එනමුදු

සුහදැති වෘක්ෂයෝ ඔවුන්ට කමා කරන වග 

ඔවුන් දැනගත දැන ගත යුත්තෝ ය ... 

මල් පිපෙන වසන්තය හමාර වූ කල්හි 

ඔවුහු වෙනතක ඇදෙති ...

කලකිරිම මිසක 

අල්පෙනෙති තුඩක හෝ තරහවක් නොවන බව කියමි...

දොඩමළුවට  ආයුබෝවන් කියමි...

ලෝකයේ නිත්‍ය ධර්මයට ඉඩ හර වෙන් කරමි ...

මෙසේ නිහඬ වෙමි...

මියගිය අතීතයට හා අත්දැකීම අරබයා

සහෘදයාට තුති පුදමි...

බොහෝ මිත්‍රයෝ සංචාරක විහඟුන් වග 

සිත් සේ ම හැඳින්නෙමි ...

වසන්තය නම් මා වෙත යනෙන ප්‍රහේලිකාවක් වැන්න ...

මෙතෙක් ආ මග අපිට යා නොහැකිය

ගමනාන්තය තෙක් ම හුදකලාව පිය නගමින්...

විදු...